4-сынып оқушылары арасында спорттық ойындардан сайыс болып өтті.

Шымкент қалалық білім басқармасы, Әл-Фараби ауданына қарасты   №129  жалпы орта білім беретін мектебінде бастауыш сынып бірлестігінің онкүндік іс-шара жоспарына сәйкес қазақтың ұлттық ойындарын дәріптеп көрсету мақсатында 4-сынып оқушылары арасында спорттық ойындардан сайыс болып өтті.Мақсаты: халқымыздың ұлттық ойындарының қалай қалыптасқандығы, оның  атадан балаға мұра  болып жалғасып отырғандығы туралы мағлұмат беру. Ұлттық ойын түрлерінің мазмұнын түсіндіре отырып, ойнату арқылы қызығушылықтарын арттыру. Ата –бабамыздан бізге жеткен баға жетпес байлығымыз, асыл қазынамыз ұлттық ойындар екендігін  біліп өсуге, тәрбиелеу. Оқушылар ойынның бастапқы кезеңін денені шынықтырып алу мақсатында «Қара жорға» биімен бастады. Мұғалімдер ұлттық ойынға қатысты жұмбақтар жасырды. Оқушылар: Қол күрес, соқыр теке, арқан тартыс, ханаталапай, орамал тастамақ ойындарын ойнады. Оқушылар сайысқа белсене қатысты. Сайыс қорытындысы бойынша І орын-«Сұңқар» тобы 4В сынып, ІІ орын-«Қыран» тобы 4Б сынып, ІІІ орын-«Самұрық» тобы 4А сыныптары марапатталды.