«Қарттар біздің – қазынамыз»

Шымкент қаласының білім басқармасына қарасты, Әл-Фараби ауданы №129 жалпы орта мектебінде «Қарттар күніне» орай «Қарттар біздің – қазынамыз» атты акция өткізілді. Акция барысында мектеп оқушылары ауданымыздағы көмек қажет ететін қарттарымызға барып үй-жай жағдайларына көмектесіп, керекті азық-түлік өнімдерімен қамтамасыз етіп, есік алдын тазалап, қолдан келген көмектерін жасады. Үлкен кісілеріміз өз алғысын білдіріп, ізгі ниеттерін жеткізді. Бұл акцияның арқасында оқушыларымыз да үлкенге құрметпен қарау керек екендігін және қарттарымыз біздің асыл қазынамыз екендігін түсінді. Қарттары бар ел-бақытты ел. Сондықтан да, ата-апаларымызға барынша қамқорлық көрсетейік.