Шымкент қаласы Әл-Фараби ауданына қарасты № 129 жалпы орта білім беретін мектебінде 2018-2019 оқу жылына арналған тәрбие жоспарына сәйкес 9 мамыр – «Ж

Шымкент қаласы Әл-Фараби ауданына қарасты № 129 жалпы орта білім беретін мектебінде 2018-2019 оқу жылына арналған тәрбие жоспарына сәйкес 9 мамыр – «Жеңіс» күні мерекесіне орай «Ерлік –елге мұра, ұрпаққа ұран» атты мерекелік іс-шара өткізілді. Ұлы жеңістің 74 жылдығына және Отан қорғаушылар күніне арналған іс-шарамыздың құрметті қонақтары Ауған соғысы ардагері Н.Н. Жүнісбеков, № 35748 әскери бөлімше «Жас мотоатқыш» әскери-патриоттық клубының жетекшісі полковник Р.Халмуратов, Чернобыл катастрофасы ардагерлері одағының төрағасы С.Н.Нахбаев, Чернобыл катастрофасы ардагерлері одағының төрағасы  орынбасары М.Қ.Сарыбасов,Теңіз авиациясының запастағы подполковнигі Ш.Н.Тазудиновболды. Мектебіміздің басшысы Ғалымжан Бауыржанұлы Ұлы жеңістің 74 жылдығымен келген қонақтарды шын жүректен құттықтап, жылы лебіздерін білдірді. Іс-шара барысында оқушыларымыз аталарымыз бен әкелеріміздің батырлықтары мен жанқиярлықтары, олардың өз Отанына деген шексіз сүйіспеншіліктері Қазақстанның бүгінгі жауынгерлері үшін мақтан тұтарлық үлгі ғана емес, бұл бірнеше ұрпақты байланыстыратын қоғамның рухани дамуы мен ұлттық қайта өрлеуінің жоғары негізі екеніне көз жеткізе алды. Ұлы Отан соғысында ерлікпен құрбан болған аталарымыз бен әкелеріміздің рухтарына бас иіп, бір минуттық үнсіздікпен еске алынды. Сонымен қатар, 16 жасқа толған ұл балдардың әскерге шақыру учаскесіне тіркеу туралы куәліктері мен алғашқы әскери дайындық және әскери патриоттық іс-шараларда жақсы жағынан көзге түскен оқушыларымызды Теңіз авиациясының запастағы подполковнигі Ш.Н.Тазудинов пен мектебіміз директоры Ғалымжан Бауыржанұлы марапаттады. 

Ардақты ардагерлер: ақсақалдар, аналар! Сіздерді Ұлы Отан Соғысындағы Жеңістің 74 жылдық мерейтойымен шын жүректен құттықтаймыз. Сіздердің ерліктеріңіздің арқасында біз бүгін бейбіт өмір, бақытты тұрмыс кешудеміз. Бәріңізге зор денсаулық, бақыт пен қуаныш тілейміз!