Бастауыш сынып бірлестігінің «Мәңгілік елдің болашағымыз» атты онкүндікте өткізілетін іс-шаралар жоспарына сәйкес апталықтың ашылуы болды.

Апталықтың ашылуы

Шымкент қалалық білім басқармасына қарасты, Әл-Фараби ауданы №129 жалпы орта білім беретін мектебінде 2019-2020 оқу жылында  17-28.02.2020ж аралығында  бастауыш сынып бірлестігінің «Мәңгілік елдің болашағымыз» атты онкүндікте өткізілетін іс-шаралар жоспарына сәйкес апталықтың ашылуы болды. Мақсаты: білімнің сара жолы мектептен басталатынын, білімнің кең дүниеде өмірге есік ашатынын сездіру. Оқушылардың білімге деген құштарлығын арттыру, оқуға, білімді болуға шақыру. Бастауыш сынып балаларының оқу барысында алған білімдерін тиянақтау, ойлау қабілеттерін дамыту, өзін - өзі басқару мен ана тілін сүйіп, қастерлеуге тәрбиелеу. Апталықтың ашылу салтанатында оқушылар  оқу-білімге қатысты мақал-мәтелдер, жұмбақтар, жаңылтпаштар айтып өз білімдерін ұштады. Оқушылар  математикалық жұмбақтар мен логикалық тапсырмалар және қойылған викториналық сұрақтарға белсене қатысып отырды. Оқушылардың елге, Отанға деген сүйіспеншілігін арттыру мақсатында «Баспалдақ», «Қала» атты ойындар берілді. Сонымен қатар ұлы Абайдың өлеңдері мен қара сөздерін, жыр алыбы Жамбыл мен Мұқағали жырларын, М.Шахановтың өлеңдерін балалар нақышына келтіріп жатқа айтып берді. Оқушылар патриоттық және оқу-білімге қатысты әсем әуендерімен көпшілікті тәнті етті. Онкүндіктің жоспарына сәйкес 1-4 сыныптар арасында   «Ұлы даланың жеті қырына» байланысты салынған суреттермен оқушыларға саяхат сабақ жүргізілді. Оқушылардың пәнге деген қызығушылығын арттыру мақсатында жасалған әр пәнге қатысты ребустар мен сөзжұмбақтарды оқушылар қызығушылықпен орындады.