8-сынып ата-аналары арасында «Биікке самға» атты эстафеталық сайыс өткізілді.

Шымкент қалалық білім басқармасы, Әл-Фараби ауданына қарасты №129 жалпы орта білім беретін мектебінде салауатты өмір салтын сақтау және отбасылық  тәрбие бағыты бойынша, «Спорт күніне» орай 2020 жылдың 22 ақпан күні 8-сынып ата-аналары арасында  «Биікке самға» атты  эстафеталық сайыс өткізілді. Командалар 4 кезең бойынша сайысқа түсті яғни, арқан тату, биіктікке секіру, картоп жинау, бағаналардың арасымен жүгіріп өту.  Әр сайысқа ойыншылар ынта-жігерімен қатысып, шеберлікпен тапсырмаларды орындады. Сайыс өте қызықты, тартысты өтті. Сайыстың қорытындысы бойынша: бас жүлдені «Самрұқ» тобы-8 «Б»сынып, І орын «Жас қыран» тобы-8 «Г» сынып, ІІ орын «Барыс» тобы – 8 «Ә» сынып, ІІІ орын «Тұлпар» - 8 «А» сынып   ата-аналарына бұйырды. Қалған командаларды белсене қатысқаны үшін мақтау қағаздарымен марапаттады. Ал бас жүлдені иеленген команда финалға жолдама алды. Сайысқа белсене  қатысқан   ата-аналарға мектеп әкімшілігі атынан алғысымызды білдіреміз.