“Enjoy learning English” атты ағылшын тілі пән апталығы

Шымкент қалалық білім басқармасына қарасты, Әл-Фараби ауданы №129 жалпы орта білім беретін мектебінде 2019 жылдың 11-15ноябрь күндері “Enjoy learning English” атты ағылшын тілі пән апталығы болып өтті. Апталықтың мақсаты: оқушылардың ағылшын тілін мемлекеттік білім беру стандарты бойынша меңгергендігін бақылау, олардың қабілеті мен тілін дамыту, ойлау және есте сақтау қабілеттерін тексеру; пәнге деген қызығушылықтарын арттыру, шет тілін құрметтеуге үйрету, оқушыларды ағылшын тілінде еркін сөйлеуге дағдылау, сөздік қорын молайту; ұжымдық еңбекке тәрбиелеу, өздігінен іздене білуге үйрету, өз ана тілі мен қатар ағылшын тілін құрметтеуге тәрбиелеу. Осыған орай мектебімізде ағылшын тілі пән мұғалімдерінің ұйымдасқан түрдегі 8ашық сабақтары мен 3 сабақтан тыс іс-шаралары өтті. Ноябрьның 11 күні апталықтың ашылу салтанаты өткізілген болатын. Ашылу салтанатында оқушылар ағылшындардың салт-дәстүрлерімен, тағамдарымен танысты. Сабақтан тыс «Who is faster?» интелектуалдық сайысы, “My pets” ойын сабағы, “Ертегілер әлеміне саяхат” іс-шаралары өтілді. Апталықтың жабылу салтанатында белсенді ат салысқан оқушылар мен сыныптар мақтау қағазымен және сыйлықтармен марапатталды.