«Пай-пай шіркін, қазағымның келіндері-ай»

Шымкент қаласы білім басқармасына қарасты, Әл-Фараби ауданы № 129 жалпы орта білім беретін мектебінің ұйымдастыруымен 2019 жылдың 8 февраль күні Елбасы Н.Ә.Назарбаевтың «Болашаққа бағдар: рухани жаңғыру» атты бағдарламасы аясында Сәуле мөлтек ауданында орналасқан мекемелер № 35 балабақша, № 35748 әскери бөлімшесі және №129 жалпы орта білім беретін мектептері арасында «Пай-пай шіркін, қазағымның келіндері-ай» атты келіндер сайысы өткізілді. «Қыз өссе – елдің көркі, гүл өссе –жердің көркі» демекші, сайысты өткізу мақсатымыз жанұядағы ене мен келіннің арасындағы қарым-қатынасты нығайту, ұлттық салт дәстүрімізге байланысты келіннің орнының ерекше екендігін, отбасының ұйытқысы екендігін ұғындыру болып табылады. Сайысқа 6 үміткер қатысты. 

Сайыс алты кезеңнен тұрды: 1. «Сәлем-сөздің анасы» таныстыру.

2. «Ойлы болсаң озып көр» салт-дәстүрлер аясындағы сұрақтар.

3. «Кім жылдам?» қамыр жаюдан сайыс.

4. «Саусағынан бал тамған, қазағымның келіндері-ай» қазақтың ұлттық тағамдарын жасаудан сайыс.

5. «Өнерлі келін, сүйкімді» өз өнерлерін көрсетті.

6. «Қылығына сай екен» ұлттық нақыштағы сәнді киімдермен таныстыру сайыстарымен бақ сынасты.  Сайыстың нәтижесі бойынша бас жүлдегерлер болып №35748 әскери бөлімшесінен қатысушы келін Белдібекова Гулназ және №35 балабақша келіні Султанова Жанар танылды. Қалған қатысушы келіндерімізге І,ІІ,ІІІ дәрежелі дипломлар мен мадақтау қағаздары және сыйлықтар табыс етілді. Қорытындылай келе «Ел боламын десең, бесігіңді түзе» демекші, қазақтың тал бесіктен жер бесікке дейінгі, салт-дәстүрі мен әдет-ғұрпын насихаттап, өскелең ұрпаққа ұлықтайтын мұндай сайыстар жалғасын табады деп сенеміз.