Абдикадирова Афуза 2 «Б» сынып оқушыларына қазақ тілі пәні бойынша «Зат есім. Наурызкөже» тақырыбында ашық сабақ өтті

Шымкент қалалық білім басқармасы, Әл-Фараби ауданына қарасты №129 жалпы орта білім беретін мектебінде бастауыш сынып бірлестігінің онкүндік жоспарына сәйкес бастауыш сынып мұғалімі  Абдикадирова Афуза  2 «Б» сынып оқушыларына  қазақ тілі пәні бойынша  «Зат есім. Наурызкөже»  тақырыбында ашық сабақ өтті. Сабақ мақсаты: тірек сөздерді қатыстыра отырып, берілген тақырып бойынша әңгіме құрау, зат есімдерді табуды пысықтау. Сабақ барысында өткен сабақты пысықтауға «Өрмекші торы» әдісін қолданды. Бұл әдістің мақсаты оқушылардың сұрақ қою дағдысын жетілдіру. Зат есімнің сұрақтары арқылы төрт топқа  топтастырылып, оқушылар өз беттерінше «Сандық алфавит» әдісі бойынша жаңа сабақтың тақырыбын ашты. «Суреттер сөйлейді» әдісі бойынша оқушылардың айтылым дағдысы жақсы көрініс тапты. Диалогтық оқылым, «Оригами» қағаз бүктеуді қолдана отырып оқушылар  өз қолдарымен ұшақ жасады, қанаттарына сұрақ жазып, ұшырды. Сергіту сәтінде бастауыш сынып оқушылары үшін маңызды деп саналатын саусақ маторикасын дамытуға арналған жаттығулар жасалып, «Дене қызуын өлшегіш» құрылғысы арқылы кері байланыс жасалды.