Нарымбаева Гулшехра 2«Ж» сыныбына қазақ тілі пәні бойынша «Жалқы есім және жалпы есім» тақырыбында ашық сабақ өткізді.
Шымкент қалалық білім басқармасына қарасты, Әл-Фараби ауданы №129 жалпы орта білім беретін мектебінде бастауыш сынып бірлестігінің онкүндік жоспарына сәйкес 20 ақпан күні Нарымбаева Гулшехра 2«Ж» сыныбына қазақ тілі пәні бойынша «Жалқы есім және жалпы есім» тақырыбында ашық сабақ өткізді. Сабақтың мақсаты: оқушылардың зат есім жайлы алған білімдерін кеңейте отырып, жалқы есім және жалпы есім туралы түсінік беру. Оқушылардың ой өрісін дамыту, түрлі тапсырмалар орындау барысында танымдық, іскерлік, есте сақтау, ізденімпаздық қабілеттерін дамыту. Сабақтың басында психологиялық ахуал қалыптастырылып, « Нұр-Сұлтан», «Алматы», « Қарағанды», «Шымкент» топтарына біріктірілді. Сабақты «Зат есім» ертегісімен ашып, топтық, жұптық, саралау тапсырмаларын түрлі-әдіс тәсілдер арқылы жүргізді. Оқушыларды «От шашу» әдісін пайдалана отырып, әр тапсырманы житондар арқылы бағалап отырды.