Абдужалалова Анар 1 «Ж» сыныбына сауат ашу пәнінен «Ю дыбысы мен әрпі» тақырыбында ашық сабақ өтті.

Шымкент қалалық білім басқармасы, Әл-Фараби ауданына қарасты №129 жалпы орта білім беретін мектебінде бастауыш сынып бірлестігінің онкүндік іс-шара жоспарына сәйкес бастауыш сынып мұғалімі Абдужалалова Анар 1 «Ж» сыныбына сауат ашу пәнінен «Ю дыбысы мен әрпі» тақырыбында ашық сабақ өтті. Сабақ мақсаты: «Ю» дыбысы мен әрпін меңгерту, «ю» дыбысы «й+у» екі дыбыс естілгенімен, орнына «ю» әрпі жазылатынын есте сақтау, «ю» дыбысы мен әрпі арқылы буын құрап, буындардан сөз құрап үйрету. «Ю» дыбысына қатысты сөздерді білдіру арқылы оқушылардың ой –өрісін, сөздік қорын кеңейту, сөздерді сауатты оқуға және жазуға баулу. Сабақ барысында оқушылар «Түстер» арқылы 4 топқа біріктіріліп, «Миға шабуыл» әдісі мен сұрақ-жауап арқылы өткенді пысықтады. «Тізбектеп оқыту» әдісі арқылы жаңа сөздерді оқып шығып, сабақ соңында «Желкенді қайық» әдісі арқылы оқушылар кері байланыс берді. Сабаққа оқушылар белсене қатысып, өз ойларын толық жеткізе алды.