"Көшпелі алтын" фантастикалық әңгімесі тақырыбында ашық сабақ өтті.

Шымкент қалалық білім басқармасына қарасты, Әл-Фараби ауданы №129 жалпы орта білім беретін мектебінде қазақ тілі пәні онкүндігінің жоспарына сәйкес қазақ әдебиеті пәнінің мұғалімі Ж.Еламанова Т.Сұлтанбековтың "Көшпелі алтын" фантастикалық әңгімесі тақырыбында ашық сабақ өтті. Сабақ мақсаты: әдеби шығармаға сюжеттік-композициялық талдау жасау арқылы идеялық мазмұнын түсіну. Сыныпты "Алтын", "Тау", "Найзағай" қиындылары арқылы топқа біріктіріп "Қарлы кесек" әдісімен үй жұмысы пысықталып, жаңа сабақ "Джигсо" әдісі арқылы ашылды. "Көшпелі алтын" әңгімесін 1-топ "ПОПС" формуласы арқылы өмірден себебі мен дәлелдер келтірді, 2-топ "Композициялық талдау"жасау арқылы түсіндірді және 3-топ пән аралық байланыс, оның  ішінде физика пәнімен "Найзағайдың қалай пайда болатыны" туралы  постер қорғап түсіндіріп отырды.  Кері байланыс алынып, оқушыларға тиімді кері байланыс беріліп, бағаланды.