Б.Т.Ильясова «Мұхтар Әуезов. Көксерек повесіндегі көксерек бейнесі» тақырыбында ашық сабақ өтті.

Шымкент қалалық білім басқармасына қарасты, Әл-Фараби ауданы №129 жалпы орта білім беретін мектебінде қазақ тілі онкүндігінің жоспарына сәйкес қазақ әдебиеті пәнінің мұғалімі  Б.Т.Ильясова  «Мұхтар Әуезов. Көксерек повесіндегі көксерек бейнесі» тақырыбында ашық сабақ өтті. Сабақ мақсаты: шығармадағы эпизодтар мен бейнелерді салыстыру және көркемдегіш құралдардың қолданысын талдау. Сыныпты «Адамзат», «Табиғат», «Зұлымдық», « Мейірімділік» қиындылары арқылы топқа біріктіріп «Попс» формуласы әдісімен үй жұмысы пысықталып, жаңа сабақ «Біле жүр» айдарымен басталды. Шығармадан үзінді беріліп, көксеректің ауыл өмірі мен тағылық өмірін салыстыра отырып, тақырыптың мақсатын аша білді. «Кубизм» әдісімен көксерекке сипаттама беріп, шығарманы оқу барысында сезімдерін, алған әсерлерін  «Эмоция графигі» әдісі арқылы жеткізді. Түз тағысы туралы қызықты мәліметтер берілді. Сабақтың соңында суреттер топтамасы арқылы қасқырға тән мақалдар құрастыра білді. «Идеялар себеті»  әдісі арқылы кері байланыс алынып, оқушыларға тиімді кері байланыс беріліп, бағаланды.