«Адам бойындағы патриоттық сезімдердің бастауы-ізгілік пен мейірімділік» тақырыбында дебат өтті
Шымкент қалалық білім басқармасына қарасты, Әл-Фараби ауданы №129 жалпы орта білім беретін мектебінде 2020 жылдың 03 – 12 ақпан күндері арасында «Өзін – өзі тану: Махаббат пен Шығармашылық педагогикасы» атты дәстүрлі онкүндік декадасының жоспарына сәйкес, өзін – өзі тану пәнінің мұғалімі Р.Халилаева 9-сынып оқушыларымен «Адам бойындағы патриоттық сезімдердің бастауы-ізгілік пен мейірімділік» тақырыбында дебат өтті. Дебат мақсаты: оқушыларға жалпы адамзаттық құндылығы-сүйіспеншілік қасиеттерін бойына дарыту, патриоттық сезімдерін ояту. Оқушылар TEDx жобасы бойынша ой тұжырымдады. Патриот болу үшін адам бойында қандай қасиеттер болу керектігін айтып, «Гүл күлтелеріне» жат қасиеттер мен жағымды қасиеттерді салыстыра отырып, топпен жұмыс жасады. Соңында гүл күлтелерін санау арқылы жағымды қасиеттер биікте тұратынын дәлелдеп өз ойларын стикерлерге жазып нақтылады.