"Қыздар сұлу көрінер қылығымен"

Шымкент қалалық білім басқармасына қарасты, Әл-Фараби ауданы №129 жалпы орта білім беретін мектебінде 10 сынып қыздар арасында "Қыздар сұлу көрінер қылығымен" атты "Кеш қалмаңыз" бағдарламасы желісімен пікірлесу, ой бөлісу, постер қорғау түрінде пікір-сайыс өткізілді. Мақсаты-қыз балаларды әдептілікке, инабаттылыққа, сыпайлыққа үйрету, ар тазалығын жоғары ұстайтын қылықты қыз тәрбиелеу. Мектебіміздің "Баян сұлу" қыздар клубының жетекшісі Алпысбаева Ш.С. қыздарға ар-намысын, пәктігін, сұлулығын жоғары қоя біліп, жұртқа абыройлы болу, салауатты өмір салтын сақтауға кеңестер берді, зиянды әрекеттерге еліктеудің, қызығудың өмірлеріне қауіп тудыратынын ескертті. Сонымен қатар қыздар (3 топқа бірігіп) әр түрлі жағдаяттарды талқылау арқылы қыз баланың тәрбиесі туралы иманды және инабатты қылықтарды бойына сіңіру жайында "Отбасындағы қыз тәрбиесі" атты бейне ролик көрсетіліп , 1 топ қыздарына "Қызға 40 үйден тиым" тақырыбында постер қорғау, 2 топ қыздарына қыз бала және оның тәрбиесі жөніндегі мақал-мәтелдер, 3 топқа қазақтың салт-дәстүрлері жайында постер қорғады. Өткен іс-шарамыз арқылы қыздарымызды қылықты етіп тәрбиелеуге септігі мол болары сөзсіз.