«Абай айтқан асылдар»

Шымкент қаласының білім басқармасына қарасты, Әл-Фараби ауданы №129 жалпы орта білім беретін мектебінде, кітапханашылардың ұйымдастыруымен, Абай Құнанбайұлына 175 жыл толуына орай «Абай-дана, Абай-дара қазақта» атты сайыс болып өтті. Мұндағы мақсатымыз: Ұлы ақынның өнегелі өмірімен таныстыру, өлеңдері мен қара сөздерін мәнерлеп айтқызу, үлгісі мен өнегесін болашақ жас ұрпаққа насихаттау, сөз өнерінің қыр-сырымен таныстыру. Көркем сөйлеуге, өз бетімен іздене білуге, шығармашылық жұмыс істеуге көмектесу. Сайыс «Мен жазбаймын өлеңді ермек үшін», «Жыр жазамын Абайдың үлгісімен», «Абай әлемі», «Бес нәрсеге асық бол...», «Абай айтқан асылдар» атты 5 кезең бойынша өткізілді.
Сайысқа 5-6 сынып оқушылары қатысып, Абайдың өлеңдері мен қара сөздерін  жатқа айтып, Абай Құнанбайұлына арнап, ақындық шеберліктерін танытып, өздері шығарған өлеңдерін оқыды. Сайыс қорытындысы бойынша:1-ші орын-6-сынып оқушысы Тәжімұханбет Рабиға, 2-ші орын-5-сынып оқушысы Акадьева Назым, ал, 3-ші орын-5-сынып оқушысы Курбаналиева Нурила мен 6-сынып оқушысы Сапарбай Әсел иеленді.