«Күз кереметі»

Шымкент қаласының білім басқармасына қарасты, Әл-Фараби ауданы №129 жалпы орта білім беретін мектебінде 2019-2020 оқу жылының тәрбие жоспарына сәйкес «Алтын күз» мерекесіне орай «Күз кереметі» атты 5-7 сынып оқушыларының ұйымдастыруымен жәрмеңке өткізілді. Жәрмеңкені ұйымдастырудағы мақсат оқушыларды еңбекке, ұйымшылдыққа, ұжымдық іс-әрекетке тәрбиелеу. Жәрмеңкеде оқушылар өз қолдарымен пісірілген тағамдарды көпшілікке тарту етті. Атаулы іс-шарадан ата-аналар да тыс қалмады. Өз тараптарынан демеушілік жасап, ақыл-кеңес беріп, жәрмеңкенің жоғары дәрежеде өтуіне өз үлестерін қосты. Жиналған қор қайырымдылыққа жұмсалды.