«Абайлаңыз-балалар!»

Шымкент қалалық білім басқармасының 28.08.2019ж №10-06-03/6654/2 хаты негізінде және балалар жол-көлік жарақатының алдын алу, сондай-ақ жаңа оқу жылының қарсаңында жасөспірімдер мен балалардың көшелер мен жолдарда қауіпсіз мінез-құлыққа байланысты дағдыларын нығайту мақсатында №129 ЖОББМ 1-5 сентябрь аралығында «Абайлаңыз-балалар!» тақырыбында іс-шаралар өтілді. Жасөспірімдер арасында жол-көлік оқиғаларының, жарақаттанудың алдын алу мақсатында 1-8 сынып оқушылары арасында «Жол жүру ережесін білесің бе?», «Абайла, жол!», «Бағдаршамның бағыты», «Бағдаршам» тақырыбында қабырға газеттері және 9-11 сынып оқушылары арасында «Жол қозғалысы бойынша ең үздік білгір» тақырыбында конкурс, «Жүргізуші! Балалардың өмірін сақта!» тақырыбында шығармалар жаздырылды. Жол қозғалысы ережелерінің маңыздылығын оқушыларға сұрақ-жауап сайыстарын ұйымдастыру, жұмбақтар қою арқылы түсіндірілді. «Сіздің балаңыз жаяу жүргінші!» тақырыбында тематикалық ата-аналар жиналысы болып өтті. Жиналыс барысында жол ережесі жазылған парақшаларды таратумен қатар, жол ережесін бұзбауды, балалардың өмір қауіпсіздігін сақтау туралы ұсыныстар берілді. Мектеп инспекторымен бірлесіп, автокөлік жүргізушілеріне жадынамалар, жол тақырыбына жазылған «Қымбатты жүргізуші жолдас!» шығармалары таратылды.