Ханбибі Есенқарақызы қонақта

Шымкент қалалық білім басқармасына қарасты, Әл-Фараби ауданы №129 жалпы орта білім беретін мектебінде 13 февраль күні мектеп басшысы Г.Б.Алматовтың қолдауымен және де қазақ тілі мен әдебиеті пәні бірлестігінің ұйымдастыруымен мектебімізге арнайы шақыртумен ҚР еңбек сіңірген қызметкері, "Парасат" орденінің иегері, көрнекті ақын, жазушы «Нұрикамал», «Періште емес-пендемін», «Алтынай», «Шәмші рухына» өлеңдері, «Қанат қақты», «Бұлтсыз аспан», Жұлдызым» кітаптары т.б. шығармалардың авторы Ханбибі Есенқарақызы келген болатын. Мақсатымыз: оңтүстіктің мақтанышы, біртуар ақын өлеңдерін дәріптеу, ақынмен жақыннан танысып сыр-сұхбат құру. Кездесуде оқушылар ақынға көптеген сұрақтар қойды, ақын жырларын жатқа оқыды. Сондай-ақ, ақын апамыз жастарға көптеген үгіт-насихат, өнегелі сөздер де айтып кетті. Ұлылардың ұлағатты сөздері жастар жадында жақсы сақталып қаларына кәміл сенімдіміз. Сөз соңында ақын Ханбибі Есенқарақызы мектеп ұжымына деген ыстық лебізін тілек кітапшасына жазып қалдырды, Ғалымжан Бауыржанұлы да өз атынан және ұжым атынан ризашылығын білдіріп, өлең өрісіндегі өнеріне толағай табыс тілеп, жылы шыраймен шығарып салды.