«Тәуелсіз Қазақстан -Ұлы Дала Елі»

Шымкент қалалық білім басқармасына қарасты, Әл-Фараби ауданы №129 жалпы орта білім беретін мектебінде 09-13.12.19 күндері аралығында «Тәуелсіз Қазақстан -Ұлы Дала Елі» тақырыбында тарих, құқық және география апталығы өтті. Апталықтың мақсаты: Оқушылардың бойына өткен тарихымызды насихаттау, үлгі тұту, патриоттық сезімдерін оята отырып Отанын сүюге, танымдық деңгейін арттыру мен өз білімдерін толықтыруға дағдыландыру. Апталықтың жоспары бойынша, «Қазақстанда жұмысшы табының калыптасуы», «Бөкей Ордасындағы 1836-38 жылдардағы көтеріліс», «Қаныш Сәтбаев- жан жақты ғалым», «Сақтар туралы мәліметті кімдер береді» және «Көлдер мен мұздықтар» тақырыбында ашық сабақтарын өткізумен қортындылады. Сонымен қатар сабақтан тыс іс-шаралар «Фараби әлемі» зияткерлік ойыны және «Тәуелсіздік тұғырым» атты дөңгелек үстел өткізілді. Апталықтың жабылуы мектебіміздің АКТ залында оқушылардың қатысуымен ән айтылып, көрініс көрсетілді. Апталық барысында белсене атсалысқан оқушыларға мадақтама қағаздары берілді.