06.09.2024ж. «Қазақстан Республикасында адам папилломасы вирусына қарсы вакцинацияны ұйымдастыру туралы»

«Халық денсаулығы және денсаулық сақтау жүйесі туралы» Қазақстан Республикасы Кодексінің 38-бабы 2-тармағының 3) тармақшасына және 102- бабының 1-тармағына сәйкес «Медициналық көмектің кепілдік берілген көлемі шеңберінде оларға қарсы міндетті профилактикалық екпелер жүргізілетін аурулардың тізбесін, екпелерді жүргізу қағидаларын, мерзімдерін және халықтың профилактикалық екпелерге жататын топтарын бекіту туралы» Қазақстан Республикасы Үкіметінің 2020 жылғы 24 қыркүйектегі № 612 қаулысын іске асыру негізінде «Жатыр мойны қатерлі ісігін жою мақсатында АПВ-ға қарсы вакцинацияның маңыздылығы тақырыбында халықты ақпараттандыру үшін эпидемиолог, акушер-гинеколог, онколог, инфекционист мамандары 06.09.2024ж күні Шымкент қаласы білім басқармасына қарасты Nº129 жалпы орта білім беретін мектебінде оффлайн семинар  өтті. Мамандар ата-аналарға вакцинаның маңыздылығын түсіндіріп, қажетті мәліметтермен ақпараттандырды. Ата-аналарының (заңды өкілдерінің) ақпараттандырылған келісімін алғаннан кейін 11 жастан бастап 11 жас 11 ай 29 күнді қоса алғанға дейінгі жастағы қыздарға адам папилломасы вирусына (бұдан әрі – АПВ) қарсы профилактикалық егулерді жүргізетіндігі айтылды.Осы жастағы вакцинация ең күшті иммундық реакцияны, вакцинаны АПВ инфекциясын жұқтырмаған ерте жаста енгізгенде өте тиімді болады және болашақ серіктестерін қорғауды қамтамасыз етеді.Қалыптасқан ұжымдық немесе популяциялық иммунитет вирустың таралуын тоқтатуда өте тиімді болып табылады.Жатыр мойны обырын бірге жоямыз!Қыздарымыздың денсаулығы - өз қолымызда!