17
қыркүйек
2019
"Қылмыссыз балалық шақ"
Шымкент қалалық білім басқармасына қарасты Әл-Фараби ауданы №129 жалпы орта білім беретін мектебінде қалалық білім басқармасы тарапынан бекітілген «Қылмыссыз балалық шақ» айлық акция аясында 2019 жыл 16 қыркүйек күні «Заң-Оқушы-Қоғам» тақырыбында кездесу ұйымдастырылып өткізілді. Сәуле м/а аға участкелік полиция инспекторы, полиция майоры А.Д. Махашев, полиция капитаны Н.К.Нышанов және мектеп инспекторы А.Е.Сарсенбек кездесу барысында ҚР Қылмыстық кодексі бойынша «Ұрлық, қалта ұрлығы, тонау,бұзақылық, қарақшылық, адамға қасақана дене жарақатын салу» баптары бойынша қысқаша түсіндірме берді. Сонымен қоса ҚР ӘҚБтК 442 бабы 1,2,3 бөлігі, 127 бабы, 440 бабы 2 бөлігі, 434 бабы, 435 бабы, 200 бабы, 132 бабы, 133 бабтарына тоқталып, оқушыларға жауапкершілігі мен өз міндеттерін түсіндірді. Әр оқушының жолда жүру ережесін сақтау, өз-өзіне сақ болып белгіленбеген жерлерден өтпеу керектігін айтып өтті. Кездесу барысында директордың тәрбие жұмысы жөніндегі орынбасары С.Т.Усманова "Қылмыс қайдан шығады? Оны болдырмаудың жолы қандай?" сұрақтарының төңірегінде пікір алмасып, салауатты өмір салтын сақтауға және оқушыларды спорт үйірмелеріне қатысуға шақырды.