«1қыркүйек –Білім күні» мерекесі ұйымдастырылып «Саналы ұрпақ-жарқын болашақ»

Шымкент қалалық білім басқармасы Сыбайлас жемқорлыққа қарсы іс-қимыл агенттігінің 2019 жылғы 22 тамыздағы № 18/4-3280 хатына сәйкес, өскелең ұрпақтың бойында адалдық, парасаттылық, отансүйгіштік құндылықтарын қалыптастыру мақсатында Шымкент қалалық білім басқармасы Әл-Фараби ауданына қарасты № 129 жалпы орта білім беретін мектебінде «1қыркүйек –Білім күні» мерекесі ұйымдастырылып «Саналы ұрпақ-жарқын болашақ» атты тақырыпта мерекелік іс-шара өткізілді. Жаңа 2019-2020 оқу жылының салтанатты жиынында Әл-Фараби аудан әжелер алқасының төрайымы Барлыбаева Тұрсынай, Қамқоршылық кеңесінің төрағасы Батырбай Мұхтар, №35748 әскери бөлімі командирінің тәрбие және идеологиялық жөніндегі бөлім бастығы Нұрмаханов Азамат және белгілі қоғам қайраткерлері қадірлі қонағымыз болып мектеп ұжымына және оқушыларымызға сәттілік тіледі. Өнерпаз оқушыларымыз әннен шашу шашып, мектепке деген сағыныштарын тақпақ, өлең жолдарымен білдірді. Салтанатты жиында мектеп директоры Ғалымжан Бауыржанұлы құттықтау сөзінде: «Мектеп табалдырығын аттап жатқан 1-сынып бүлдіршіндеріне қадамдарың құтты болсын деп тілек білдірді. Мектебіміздің ұраны: «Біз берген білім - Сіз сенген арман кепілі!» екенін, себебі біздің мақсатымыз болашақ ұрпаққа саналы да, сапалы білім беру, білімге құштар жас буынға бар күш-жігермен қолдау көрсету екенін және жаңа оқу жылы баршамызға табысты, жемісті жыл болсын» - деп өз сөзін аяқтады.