"Мұғалім мамандығы - беделді!"

Шымкент қаласының білім басқармасына қарасты, Әл-Фараби ауданы №129 жалпы орта білім беретін мектебі қалалық білім басқармасының 26.09.2019 жылғы №10-05-43/7383/1 хаты негізінде 26 қыркүйек-6 қазан күндері ұйымдастырылған іс-шара жоспарына сәйкес, мектебіміздің 11 "Б" сынып оқушылары "1 қазан-қарттар күні" және "5 қазан-ұстаздар күні" мерекелеріне орай ардагер "Мұғалім мамандығы - беделді!" тақырыбында ұстаз Рустамбекова Пердегүл апаймен кездесу кешін өткізді. Кездесу барысында оқушылар Пердегүл апайдың қызығы мен қиыншылығы қатар жүретін ұстаздық жолындағы оқиғаларын тыңдай отыра, өздерін қызықтырған сұрақтарын қойып апаймен жақынырақ танысты. Пердегүл апай осы ұстаз мамандығын таңдап жатқан оқушыларға өз ақыл кеңесін айтып, келешек ұрпаққа саналы да, сапалы білім беретін, ардагер, ұлағатты ұстаз болуларына тілек білдіріп, қолдау көрсетті.