7«Ә» сынып оқушысы Абдрахман Ұлбала «На берегах Невы» атты халықаралық музыкалық байқауына қатысып «Жетіген тарту» сайысы бойынша І дәрежелі диплом

ҚҰТТЫҚТАЙМЫЗ🥇

Шымкент қалалық білім басқармасы, Әл-Фараби ауданына қарасты №129 жалпы орта білім беретін мектебінің 7«Ә» сынып оқушысы Абдрахман Ұлбала 8-10.02.2020 ж аралығында Санкт-Петербург қаласында өткен «На берегах Невы» атты халықаралық музыкалық байқауына қатысып, «Жетіген тарту» сайысы бойынша жүлделі І дәрежелі дипломымен және 22-23 ақпан күндері Шымкент қаласында өткен «Жас өнер» атты Республикалық шығармашылық байқауында «Аспапта ойнау» номинациясы бойынша гран-при дипломымен  марапатталды. Бүгінгі таңның құндылығымен үйлестіріп ұлттық аспабымызды дәріптеп "рухани жаңғыртқан" өнерлі шәкіртімізге өз ризашылығын білдіріп мектебіміздің директоры Ғалымжан Бауыржанұлы да құттықтап өтті. Білім мен өнерді қатар ұштастырып биік белестерден көрініп жүрген жас өнерпазымызды қос жеңісімен шын жүректен құттықтаймыз. Мектебіміздің мерейін үстем етіп, өнеріңмен әлемді бағындыра бергін деп тілек білдіреміз. Оқушының өнерін шыңдап, бағыт-бағдар беріп, өз үлесін қосып жүрген жетекшісіне және қолдау көрсетіп жүрген ата-анасына мектеп әкімшілігі атынан алғысымызды білдіреміз.