Оралбекқызы Рабиға 3 «Г» сыныбына қазақ тілі пәнінен «Болымды және болымсыз етістік» тақырыбына ашық сабақ өтті.

Шымкент қалалық білім басқармасы, Әл-Фараби ауданына қарасты №129 жалпы орта білім беретін мектебінде бастауыш сынып бірлестігінің онкүндік іс-шаралар жоспарына сәйкес бастауыш сынып мұғалімі Оралбекқызы Рабиға 3 «Г» сыныбына қазақ тілі пәнінен «Болымды және болымсыз етістік» тақырыбына ашық сабақ өтті. Мақсаты: етістік түрлерімен танысу, болымды және болымсыз етістіктерді анықтау, болымды етістікті болымсыз етістікке айналдыру. Сабақта «Жануарлар да күле біледі» әдісі бойынша  оқушылар жануарлардың іс-қимылын анықтады. «Пісте» әдісінде оқушылар алдыңғы сабақты қайталап еске түсіріп, морфологиялық ширату тапсырмасы арқылы «Екі бет күнделік» әдісімен жаңа сабақтың тақырыбын ашты. Оқулықпен жұмыс барысында «Алтын маржандай» әдісі арқылы «Әдепті бол, арсыздықтан аулақ бол» деген тапсырманы орындап, сергіту сәтінде ұлы Абайдың «Желсіз түнде жарық ай» әнін тамылжыта орындап шықты. Топтық жұмыста оқушылар «Адасқан әріптер» әдісі бойынша түрлі ребустар шешіп, сабақ соңында «Ұялы телефон» әдісі арқылы «смс» жазып кері байланыс берді.