Когашова Бибігүл 8-сынып оқушыларына «Адалдық – ардың ісі» тақырыбында ашық сабақ өтті.

Шымкент  қалалық білім басқармасына қарасты, Әл-Фараби ауданы №129 жалпы орта білім беретін мектебінің «Адал ұрпақ» ерікті клубының жылдық жоспарына  сәйкес математика пәнінің мұғалімі Когашова Бибігүл  8-сынып оқушыларына «Адалдық – ардың ісі» тақырыбында ашық сабақ өтті. Ашық сабақ мақсаты: адалдыққа, адамгершілікке, кішіпейілділікке, жаман әдеттерден аулақ болуға үйрету. Адам бойындағы ұнамды, ұнамсыз қылықтарды ажырата отырып, әдеп әліппесін бойына дарыту.  Оқушыларға адалдыққа, адамгершілікке, әдептілікке байланысты түрлі суреттер, мақал-мәтелдер, бейне көрсетілімдер көрсетілді. «Жалғастыр», «Не істеуге болмайды?» әдісі арқылы пікір-талас өткізілді. Оқушыларымыз бүгінгі сынып сағатында адамгершілік, әдептілік, сыпайылық жайлы пікірлер айтып, өз ойларын ортаға салып, әрдайым әдепті, сыпайы болуға, кездескен адамдармен амандасуды, кешірім сұрауды, өтінемін деген жылы сөздерді үнемі айтып үйреніп, кішілерді қамқорлай білуге үйренді деп сенеміз!