№86 жоббм-де А.Құнанбайұлының 175 жылдығына арналған волейболдан І орын-№129 ЖОББМ
«Эстетикалық және салауаттылық тәрбиені дамыту» бөлімінің 2020 жылғы жұмыс жоспарына сәйкес, 08 ақпан күні №86 жоббм-де А.Құнанбайұлының 175 жылдығына арналған волейболдан Шымкент қалалық білім басқармасына қарасты №25,38,86,87,89,129, «Келес» мектептері және Халықтар достығы университеті мұғалімдері арасында жарыс өтті. Сайыс нәтижесі бойынша: І орын-№129 ЖОББМ, ІІ орын-№86 ЖОББМ , ІІІ орын-№89 ЖОББМ иеленді. Дене шынықтыру пән әдіскері Нартай Қалабекұлы жеңіске жеткен командаларды тек білім саласында ғана емес осылай спорт жағынанда белсенділік танытқандары үшін ризашылық білдіріп мадақтама қағаздарымен марапаттады. Мектеп директоры Ғалымжан Бауыржанұлы: «Мектебіміздің мәртебесін абыроймен қорғай отырып, керемет ойын көрсеткені және қуаныш пен мақтаныш сезімдеріне бөлеген үшін жеңіске жеткен барлық мұғалімдерге алғысын білдіріп, мектебіміздің алар асулары мен бағындырар белесі, жемісті де жеңісті күндері көп болсын»-деп тілек білдіріп, жеңістерімен құттықтады. Өз кезегімізде мектеп командасына жанкүйер болып қолдағандары үшін мектеп ұжымына да алғысымызды білдіреміз.