Мәжіліс депутаты Ф.Қаратаевпен жеке қабылдау өткізу

Шымкент қалалық білім басқармасына қарасты, Әл-Фараби ауданы №129 жалпы орта білім беретін мектебінде 2020 жылы 05 қаңтар күні ҚР Парламенті Мәжілісінің депутаты Ф.Қаратаевтың жұмыс кестесіне сәйкес Сауле м/а тұрғындарының мәселелері бойынша жеке қабылдау өткізу және мектебіміздің тынысымен танысу мақсатында мектеп директоры Г.Б.Алматов және «Nur Otan» партиясы Әл-Фараби аудандық филиалы басшысының орынбасары Д.Тлеубергенов таныстырды. Танысу барысында Мәжіліс депутаты Ф.Қаратаевтың оқушылардың бос уақытын тиімді ұйымдастыру шаралары, мұғалімдер бөлмесі, мәжіліс және спорт залдары, кітапхана, мектеп асханасының жұмысы, оқушылардың әлеуметтік жағдайы мен білімге деген құштарлығына оң бағасын берді. Мектеп ұжымымен сұхбат барысында алдағы уақытта жоспарланған жан басына қаржыландыру, оның мұғалім табысына әсері, мұғалім мәртебесі туралы заң жобасындағы маңызды жаңалықтар, білім саласындағы ауқымды жоспарлар туралы айтылды. Кездесу соңында Ф.Қаратаев мектеп ұжымына деген жүрек жарды ыстық лебізін тілек кітапшасына жазып қалдырды.