«Ұлағатты ұстаз»

Шымкент қаласының білім басқармасына қарасты, Әл-Фараби ауданы №129 жалпы орта білім беретін мектебінде Қазақстан Республикасының Тәуелсіздігіне 28 жыл толуына орай, білім беру саласындағы жас ұрпақты тәрбиелеу мен қалыптастыруда атқарған сапалы еңбектері үшін мектеп мұғалімдері Шымкент қаласы Әл-Фараби аудан әкімінен, Қалалық білім басқармасынан, Нұр Отан партиясынан, Кәсіподақ комитетінің төрағасы және мектеп директоры атынан алғыс хаттар, мадақтама қағаздарымен және «Ұлағатты ұстаз» төс белгісімен марапатталды. Мұғалімдерге алғыс хаттарды Кәсіподақ комитетінің төрағасы Бекмұрат Жүзімбаев және №72 ЖОББМ директоры Аманбек Молдабекұлы арнайы келіп өз қолдарымен табыс етті. Бүгінгі марапатқа ие болған ұстаздарымызды шын жүректен құттықтап, жас ұрпақ тәрбиелеудегі қызықты да қиын әрі жауапты қызметте табысты бола беріңіздер деп тілек білдіреміз! Осы тұста Әл-Фараби аудан әкімі Ғабит Патшаханұлына, Қалалық білім басқарма басшысының у.м.а. Айгүл Қалыбайқызына, Нұр Отан партиясы Әл-Фараби аудандық филиалы төрағасының бірінші орынбасары Данияр Избасарұлына және Кәсіподақ комитетінің төрағасы Бекмұрат Жүзімбаев мырзаға бізге қолдау көрсеткендері үшін өз алғысымызды білдіреміз. Шығармашылық еңбектеріңізге шабыт, отбасыларыңызға амандық, зор денсаулық тілейміз.