«Желтоқсанда үзілген жауқазын»

Шымкент қаласының білім басқармасына қарасты, Әл-Фараби ауданы №129 жалпы орта білім беретін мектебінде, кітапханашылардың ұйымдастыруымен, 16 желтоқсан Тәуелсіздік мерекесіне орай патриоттық апталығы іс-шара жоспарына сәйкес «Желтоқсанда үзілген жауқазын» атты тақырыптық әңгіме болып өтті. Мұндағы мақсатымыз: балалардың бойында Қазақстанның өткені мен бүгінгі өмірін салыстыра отырып, Тәуелсіздік үшін күрескен, желтоқсан құрбандарын еске түсіріп, олардың ерлігі жайында терең мағлұмат беру. Ата - бабамыздың тәуелсіздік жолындағы ерлігін үлгі етіп, өз Отанын сүюге, еліне, халқына қызмет етуге тәрбиелеу. Тәуелсіз еліміздің жетістіктерімен таныстырып, білгендерін тереңдету. Іс шараға 6 сынып оқушылары қатысып, еліміздің тәуелсіздігін атап өту қарсаңында ел тарихына шолу жасалып, Тәуелсіздік туралы өлеңдерді мәнерлеп оқыды. Сонымен қатар мемлекетіміз егемендікке қалай қол жеткізгені жайында бейне ролик көрсетілді.