«Жолда жүру ережесін білесің бе?»

Шымкент қалалық білім басқармасына қарасты, Әл-Фараби ауданы №129 жалпы орта білім беретін мектебінде бастауыш сынып бірлестігінің «Адам болам десеңіз» атты онкүндікте өткізілетін іс-шаралар жоспарына сәйкес, бастауыш сынып мұғалімі Г.Шыныбекова оқушыларға «Жолда жүру ережесін білесің бе?» тақырыбында ТО жол патрульдік полиция инспекторы, полиция лейтенанты Шекербеков Шалхар мырзамен кездесу өткізді. Сабақ мақсаты: оқушыларды жолда жүру ережесімен таныстыру, жол қауіпсіздігін, өз өмірлерін сақтай білуге тәрбиелеу және оқушылардың ой-өрісін, өзін-өзі ұстауын, көшеде дұрыс жүріп тұруын дамыту. Оқушылар бағдаршамның үш көзі бойынша «Қызыл», «Сары», «Жасыл» түстерге топқа бірігіп, жол ережесіне қатысты сөзжұмбақтар шешіп, өлеңдер оқыды. «Жол полиция қызметкерлері» атты көрініс көрсетіліп, «Мозайка» әдісі бойынша жол ережесіне қатысты балалар мозайка құрастырып топтық жұмыс жасады. Полиция лейтенанты ортаға шығып жол ережесі туралы әңгімелеп берді. Балалар Шекербеков Шалхар мырзаға сұрақтарын қойып сұхбат жүргізді.