"Зерделі" ақыл-ой дамыту орталығының директоры Ырысбек Мәуіт мырзамен кездесу

Шымкент қалалық білім басқармасына қарасты, Әл-Фараби ауданы №129 жалпы орта білім беретін мектебінде 2019 жылдың 07 қараша күні "Зерделі" ақыл-ой дамыту орталығының директоры, математика пәнінің мұғалімі Ырысбек Мәуітпен 10-11-сынып оқушыларының қатысуымен кездесу өтті. Кездесудің мақсаты-оқушыларды математикалық сауаттылыққа, логикалық есептерді жылдам әрі нақты шығара білуге, алған білімдерін өмірде қолдана алуға үйрету. Оқушылар математикаға және ҰБТ-ға байланысты өз сұрақтарын қойып, ұтымды жауаптар алды. Сонымен қатар, Ырысбек Мәуіт мырза арнайы бастауыш сынып және математика пәні мұғалімдеріне олимпиадалық есептердің тиімді шығару жолдары туралы сабақ жүргізді. Кездесу нәтижесінде оқушылар мен мұғалімдер де көптеген пайдалы мағлұматтарға ие болды.