«Әлем Барысы» халықаралық турнирінің ІІ орын күміс жүлде иегері Музаппаров Ерсултан Нуртасұлымен кездесу болып өтті

       Шымкент қаласы білім басқармасы, Әл-Фараби ауданы №129 жалпы орта білім беретін мектебінде 2018 жылдың  06 желтоқсан күні «Спорт - денсаулық кепілі» күніне байланысты «Жас Ұлан» ұйымының ұйымдастыруымен ел мақтанышы, қазақ халқын әлемге танытып жүрген жерлесіміз, Астана қаласында өткен 2016-2017жылғы «Евразия барысы» І орын иегері, қазақ күресінен әлем чемпионы, жақында ғана өткен 2018 «Әлем Барысы» халықаралық турнирінің ІІ орын күміс жүлде иегері Музаппаров Ерсултан Нуртасұлымен кездесу болып өтті. Кездесуге мектеп директоры Г.Б.Алматов және ата-аналар комитетінің төрағасы Н.Н.Жүнісбеков қатысты. Келген қонағымызға өнерлі оқушыларымыз әннен шашу шашып, қошемет көрсетіп қарсы алды. Қонағымызға арналған концерттік бағдарламадан соң оқушылар өздерін қызықтырған сұрақтарын қойып, чемпионмен жақын танысып, көп мағлұматтар алды. Қонағымыз Е.Н.Музаппаров біздің спортшы оқушыларымызға келешекте еліміздің атын шығаратын және ел мақтанатын спортшы болуына тілектес екенін айтты. Мектеп директоры Г.Б.Алматов Ерсұлтанға алғысын айтып, еліміздің мәртебесін көтерер жолда толайғай жеңістер мен үлкен жетістіктер тіледі. Бұл кездесу мектебіміздің жас спортшыларын қанаттандыруда кездесудің үлесі зор болды.