10.09.2024ж Асхана тәртібі

Оқушылардың асханада өзін-өзі ұстау ережелері

Асханада әрқашан балалар да, үлкендер де көп болады, себебі бәріне 10-15 минут ішінде тамақтанып алуға үлгеру қажет. Сол себепті мұнда белгілі бір ережелерді сақтап жүрген абзал:

1) Асханаға асықпай барған дұрыс, сыныппен бірге тағайындалған уақытта барыңыз.
2) Үстел басында орын аламын деп асханаға жүгіріп кірудің және басқа оқушыларды итермелеудің қажеті жоқ.
3) Кезекке тұруды әдетке айналдырыңыз.
4) Асханада жүрген кезде құлап қалмас үшін аяқ астына қарап жүріңіз.
5) Үстел басына отырмас бұрын қолды жууды ұмытпаңыз.
6) Өзіңізді не біреуді жарақаттап алмас үшін шанышқыны пайдаланған кезде сақ болыңыз.
7) Ыстық сорпа не шайды өзіңізге не болмаса көршіңіздің үстіне төгіп алмаңыз.
8) Үстел басында тік отырыңыз, аяқты айқастырып отырмаңыз, көршіңізді итермеңіз және шынтақты үстел үстіне қоймай отырыңыз.
9) Тамақ ішу барысында тыныштық сақтаңыз; қатты сөйлемеңіз және тамақты тамсанып, шылпылдатып жемеңіз, ыстық асты үрлемеңіз, шанышқымен не болмаса қасықпен кесені не тәрелкені тықылдатпаңыз.
10) Ас үй құралдарын дұрыс пайдаланыңыз: қасық пен шанышқыны орынды қолданыңыз.
11) Былғанып қалсаңыз, қағаз майлықты не қолорамалды қолданыңыз.
12) Жерге бір нәрсе құлатып алған жағдайда тазалық сақтаңыз: дереу көтеріп, қоқыс жәшігіне тастаңыз.
13) Тамақ ішіп болған соң ыдысты жинауды ұмытпаңыз.
14) Әдепті болғаныңыз жөн: Сыныптастарыңызға «Ас болсын!» деп айтуды ұмытпаңыз және асхана қызметкерлеріне алғыс білдіріңіз.