«Әжелер отбасының берекесі»

Шымкент қаласы білім басқармасына қарасты, Әл-Фараби ауданы №129 жалпы орта білім беретін мектебінде 2018 жыл 13 ноябрь күні «Мейірімділік күніне» орай «Жас Ұлан» ұйымының ұйымдастыруымен «Әжелер отбасының берекесі» тақырыбында мерекелік іс-шара өткізілді. Әл-Фараби ауданы ардагерлер кеңесі төрағасының орынбасары Бөгенов Серік ата, Әл-Фараби ауданы әжелер алқасының орынбасары Разия Нартайқызы, мектебіміздің ата-аналар комитетінің төрағасы Н.Н.Жүнісбеков, Әл-Фараби ауданы әжелерінен құралған «Тұран» әжелер ансамблі, Әл –Фараби ауданының әжелер алқасының төрайымы Барлыбаева Тұрсынай әжеміз және

 Әл-Фараби ауданы ардагерлер кеңесінің хатшысы Жайсанбаева Анар әжеміз кешіміздің қадірлі қонағы болды. Әлемнің төрт бұршына көрік берген, дүниенің кеңдігіне шырайлы шуақ төккен ақ самайлы әжелерімізді мектеп директоры Г.Б.Алматов  құттықтап, жылы лебізін білдірді. «Мәңгі береке мен жақсылық әрқашан үлкендермен бірге» дегендей, мейірімге толы іс-шара барысында «Жас Ұлан» ұйымының мүшелері әжелердің ыстық ықыласына бөленді. Мерекелік кеш барысында «Тұран» әжелер ансамблі оқушыларға өздерінің әдемі әндерін тарту етті. Іс-шара соңында Елбасымыз Н.Ә.Назарбаевқа бата берген Жайсанбаева Анар әжеміз оқушылар мен мектеп ұжымына өз алғысын білдіріп, батасын берді.