Біздің мектебімізге №72 мектептің келуі

Кеше 02. 11. 2018ж күні мектебіміздің даму жоспарына сәйкес №72 жалпы орта мектебінің ұжымымен желілік қоғамдастық құрдық. Бұл қоғамдастықтың құрылуына №72 және №129 жалпы орта мектеп басшыларының Астана қаласы Назарбаев Университетінде 2018 жылдың 25-26 октябрь күндері өткен «Жаңа дәуір мектебі» Х Халықаралық ғылыми-тәжірибелік конференцияға қатысуы себеп болды. №72 мектептің білікті басшысы, «Ыбырай Алтынсарин» төс белгісінің иегері Ахметбаев Аманбек Молдабекұлы біздің басшымыз Алматов Галымжан Бауыржанұлымен серіктес мектеп ретінде мектептің даму бағыттары мен жинақтаған тәжірибелерімен бөлісті. Аманбек Молдабекұлы өз сөзінде: «Қоғамдастықтың табыстылығы-өзіне басқарушылық рөлді алған адамдардың ұстанымдарына, қажырлылығы мен күш-жігеріне, табандылығына байланысты», -деді. Өз кезегінде мектебіміздің басшысы Ғалымжан Бауыржанұлы желілік қоғамдастық құру арқылы ой бөлісу, тәжірибе алмасу, білім мен біліктілікті дамыту, ортақ жұмысты жоспарлау, мәселені бірлесе отырып талқылау, ақпарат бөлісу, үздік педагогикалық тәжірибелерді тарату, мұғалімдердің кәсіби қызметіне көмек көрсету екенін айтты. Заманауи қоғамның тіршілігінде қоғамдастықтың маңызы күннен күнге артып отыр, бұл білім мен инновациялар алмасу үдерісінде маңызды екендігін атап, №72 мектеп директоры Аманбек Молдабекұлы мен мектеп әкімшілігіне біздің ұжыммен желілік қоғамдастық құрып, тәжірибеңізбен бөліскеніңіз үшін алғысымызды білдіреміз.