«Балалық шақ, жастық шақ, кемелденген кезең, қарттық шақ»

Шымкент қалалық білім басқармасына қарасты, Әл-Фараби ауданы №129 жалпы орта білім беретін мектебінде бастауыш сынып мұғалімі Тагибаева Айжан 1-сынып білімалушыларына жаратылыстану пәнінен «Адам қалай есейеді?» атты тақырыпта кіріктірілген ашық тәрбие сабақ өткізді. Сабақ мақсаты- адам өмірінің кезеңдерін сипаттау. Оқушылар адам өмірінің төрт кезеңі яғни «Балалық шақ, жастық шақ, кемелденген кезең, қарттық шақ» деп төрт топқа бірікті. Сабақ барысында Тұңғыш Президентіміз Н.Ә.Назарбаевтың өсу кезеңі яғни балалық шағы, жастық шағы мен кемелденген кезі және қарттық шағы туралы өз беттерінше ізденіп келген мәліметтерімен бөлісті. Оқушылар «Суреттер сөйлейді» әдісі арқылы Н.Ә.Назарбаевтың балалық шағындағы отбасы мен қазіргі отбасы туралы және оның салауатты өмір салтын ұстана отырып спортпен шұғылдануы, домбырада ойнауы, кітап жазатыны туралы мағлұматтар алды. «25 кітап, 25 ән» жобасы аясында оқушыларға тұңғыш Елбасының жазған кітаптары таныстырылды.