«Күз ханшайымы-2019» байқауы

Шымкент қаласының білім басқармасына қарасты, Әл-Фараби ауданы №129 жалпы орта білім беретін мектебінде 2019-2020 оқу жылына арналған тәрбие жоспарына сәйкес, 8-10 сынып оқушылары арасында «Күз ханшайымы-2019» байқауы болып өтті. Байқау 5 кезеңнен тұрды: Таныстыру, Абайдың қара сөздерін мәнерлеп оқу, өз өнері, ас мәзірі және сән үлгісінің көрсетілімі. Аталған сайыста Сауле мөлтек ауданы бойынша ардагерлер кеңесінің төрағасы Н.Жүнісбеков, әжелер кеңесінің төрайымы Т.Барлыбаева, №35748 әскери бөлімінің мемлекеттік тілді дамыту жөніндегі маманы М.Иманова, кітапхана меңгерушісі А.Азимбекова, педагог-психолог Р.Халиллаева әділ қазылар алқасы болып сайланып, аруларымызға әділ бағаларын берді. Көрермендер қатарынан мектеп оқушылары мен ұстаздар және сайыскерлеріміздің ата-аналары да табылды. Үміткерлеріміз бойларындағы білім деңгейін, бар өнерлерін, қиялындағы күз бейнесін киім үлгілері арқылы көрермендер назарына ұсынды. Сайыс қорытындысы бойынша қазылар алқасының шешімімен бас жүлде, «Күз ханшаймы-2019» атағын иеленген-8 «Г» сынып оқушысы Жасұзақ Салтанат, 1 орын-10 «А» сынып оқушысы Кулканисова Анеля, 2 орын-8 «В» сынып оқушысы Серікбай Тоқжан, 3 орын-10 «Б» сынып оқушысы Елтай Айболған атты аруларымыз марапатталды. Сөз соңында мектебіміздің директоры Алматов Ғалымжан Бауыржанұлы жеңіске жеткен аруларымызды өзінің жылы лебізімен құттықтап, ата-аналарға алғысын білдірді. Сонымен қатар, басшымыз әр бір қатысушы аруға тосын сый ретінде өз атынан кинотеатрға кино билеттерін тарту етті.