«Қауіпсіздік шұғыласы»

Шымкент қаласының білім басқармасына қарасты, Әл-Фараби ауданы №129 жалпы орта білім беретін мектебінде балалардың қауіпсіздігін қамтамасыз ету, сондай-ақ оқыс оқиғалардың алдын алу мақсатында 2019 жылы 16-26 қыркүйек аралығында «Қауіпсіз білім ордасы» республикалық онкүндігі аясында жоспар құрылып, іс-шаралар өткізілді. Мектеп директорының шаруашылық меңгерушісі Р.У.Тулькубаев оқу сыныптары, мектеп асханасы, спорт залдары мен алаңдарды, медициналық кабинеттер, су құбырлары және жылу жүйесінің дайындықтары, ғимараттың өртке қарсы және санитарлық-эпидемиологиялық талаптарға сай болуын тексеріп шықты. Іс-шара жоспарына сәйкес, мектеп медбикесі Қ.А.Бабашева 10-11 сынып оқушы қыздары арасында «Алғашқы медициналық көмек көрсету» тақырыбында сабақтар, 7-9 сынып аралығында «Қауіпсіздік шұғыласы» атты сурет байқауы, балалардың қауіпсіздігін ұйымдастыру, балаларға қатысты зорлық-зомбылықты алдын алу мәселелері бойынша жалпы мектептік ата-аналар жиналысы және 1-4 сыныптар аралығында «Абайлаңыз балалар» атты тақырыпта мектеп инспекторының қатысуымен ашық сынып сағаттары өткізілді.