«Birinshi Jastar Oiyndary» қалалық іріктеу жарысының ашылу салтанаты

Шымкент қалалық білім басқармасына қарасты, Әл Фараби ауданы №129 жалпы орта білім беретін мектебінде ҚР Білім және ғылым министрлігі «Ұлттық ғылыми – практикалық дене тәрбиесі орталығы» мен «Мектеп спорты федерациясы» бірлесе отырып «JastarSportFest» ұйымдастырған «Birinshi Jastar Oiyndary» қалалық іріктеу жарысының ашылу салтанаты болып өтті. Жарыс 18-22 қыркүйек аралығында Шымкент қаласының 132 мектеп оқушыларының арасында волейбол, футзал, жеңіл атлетика, тоғызқұмалақ, әскери-қолданбалы спорт түрлері бойынша өтеді. Шымкент қаласы білім басқармасы әдістемелік орталығының әдіскерлері Н.Қ.Күзембаев, Ш.М.Раймова, Қ.А.Есқараев, А.Қ.Сүлеймен аталған жарыстың ұйымдастырылуы мен жоғары дәрежеде өткізілуіне өз үлестерін қосуда.