«Тәуелсіздік - тірегім»

Шымкент қаласының білім басқармасына қарасты, Әл-Фараби ауданы №129 жалпы орта білім беретін мектебінде 16 – желтоқсан Тәуелсіздік мерекесіне орай ұйымдастырылған іс-шара жоспарына сәйкес мектепалды даярлық топтарының тәрбиешілері «Тәуелсіздік - тірегім» тақырыбында ашық тәрбие сағаттарын өткізді. Оқушылар елді, Отанын сүюге және Қазақстан Республикасының рәміздерін қастерлеуге, туған жерге деген сүйіспеншіліктерін арттыруға тәрбиелеу мақсатында өткізілген тәрбие сағаты өз деңгейінде өткізілді. Сабақ барысында оқушыларымыз еліміздің Рәміздері мен Желтоқсан оқиғасының батырларымен танысып, тәуелсіздікке арналған өлең шумақтарын оқыды.