«Діни ағымдар мен секталардың алдын алу»

Шымкент қаласы білім басқармасына қарасты, Әл-Фараби ауданы №129 жалпы орта білім беретін мектебінде 2019-2020 оқу жылы тәрбие жоспарына сәйкес, 9-11 сынып оқушылары арасында ислам діні туралы, мұсылмандықтың бес парызы туралы ұғындыру, имандылық туралы түсінік беру, ойлау қабілетін шыңдау, адамгершілікке, ұлтжандылық қасиеттерін қалыптастыру мақсатында «Діни ағымдар мен секталардың алдын алу» тақырыбында Дін мәселелерін зерттеу орталығының дінтанушы, теолог маман Рысбеков Кенжебек Төребайұлымен кездесу болып өтті. Кездесу барысында Рысбеков Кенжебек, қайырымдылық пен зұлымдықтың не екенін нақты түсіндіре алды, қалай дұрыс өмір сүру, дұрыс тамақтану, қоғамдық тәртіпті белгілеу және қадағалау, адамдар арасында әділ болу туралы әңгіме жүргізді. Оқушыларды дінін, салт-дәстүрін сатпауға шақырды. Оқушыларға діни тәрбие бере отырып, адамгершілікке, имандылыққа, рухани тазалығын сақтауға шақырды.