«Адам болам десеңіз»

Шымкент қалалық білім басқармасына қарасты, Әл-Фараби ауданы №129 жалпы орта білім беретін мектебінде 18-29.11.2019ж. аралығында ұлы Абайдың 175 жылдық мерейтойына байланысты бастауыш сынып бірлестігінің «Адам болам десеңіз» атты онкүндік іс-шаралар жоспарына сәйкес 18.11.2019ж  күні апталықтың ашылу салтанаты өтті. Іс-шара барысында 1-3 сынып оқушылары хакім Абайдың өмірі мен шығармашылығы туралы сонымен қатар оның қара сөздері мен өлең, жырларын жатқа айтты. 4 сынып оқушылары «Абай ауылы» атты көрініс көрсетті. Онда қазақ халқының салт дәстүрі, ұлттық ойындары, әдет-ғұрпы, тыныс-тіршілігі кеңінен насихатталды және ауыл жастары  Абайдың қара сөздерін, өлең, жырларын жатқа айтып «Көзімнің қарасы» әнін  хормен орындады.